Gure Istorioak
Hartu arnasa Urola Bailarako baso eta mendietan
Gure ongietorririk beroena eman nahi dizuegu Abaraxka Azkoitia Hostel-era. Gure mendiak eta basoak erakutsi nahi dizkizuegu, guk egunero disfrutatzen duguna zuekin konpartitzeko.
Oinez zein bizikletan (Bikefriendly Kalitate Ziurtagiria gara), Azkoitia inguratzen duten mendikateek nahi adina aukera ematen dute naturaz gozatzeko. Jarri kontaktuan gurekin konfidantza osoz eta informazio guztia emango dizuegu gustura. Momentuz, eman doakizue gosegarri bat.
Abaraxka-mendia pdf-an gure inguruko mendien gida txiki bat aurkituko duzue eta, honekin batera, Abaraxkak eskainiko dizkizuen zerbitzuak. Mendiko botak jantzita edota mendiko bizikletan disfrutatu eta, jakina, gure jatetxeaz gozatu nahi baduzue, zatozte Abaraxkara!
Mila eta bat aukera daude proposatzen dizkizuegun bideak luzatzeko edota ibilaldi xuabegoak egiteko: Bide Berdea, Kukuerrin barrena Abaraxka-Loiola-Abaraxka ibilbidea, bertan dugun Munoaundiko Burdin Aroko Herri Harresitua… Gustura asko emango dizkizuegu mapak eta xehetasun guztiak.
Honako hauek dira Abaraxka inguratzen duten mendikateak:
– Iparraldera, herriaren gain-gainean, Izarraitz.
– Ekialdera, Loiolako Santutegiaren atzean, Hernio.
– Hegoaldera, Abaraxka babestuz, Samiño, eta mendilerroa jarraituz, Izaspi.
– Eta mendebaldera, Irukurutzeta borobila.
Laurak mila metro ingurura iristen dira. Izarraitzera, Samiñora eta Irukurutzetara Abaraxkatik bertatik abiatu zaitezkete, edota pixka bat goragotik atera nahi izanez gero, autoan 10-15 minutu eginez Urrategira, Attolara edota Martirietara hurbilduz. Hernio Azpeitia pasa eta gero dagoenez, Errezilera edota Bidanira joatea komeni da.
Ez dira Pirinioak, jakina, baina txikiak ere ez dira. Beraz, beti bezala, urtaro bakoitzak eskatzen duen ekipamendua eraman eta lasai hartu, batez ere behetik abiatzen bazarete. Proposamen hauetan, betiere norberaren sasoi puntuaren arabera, hiruzpalau orduko iblbideak aurkituko dituzue, Azkoititik gailur hauetara ia 900 metroko desnibela baitago.
-
- Izarraitz, gure banku “sekretutik” ikusita
-
- Izarraizko silueta, Urrakitik.
-
- Xoxote gaineko estatua handia.
-
- Gutxitan ikusten den ikuspegia.
-
- Urola bailarak aukera asko eskaintzen ditu mendiko bizikletan ibiltzeko.
-
- Urolako Bide Berdean barrena.
-
- Irukurutzetako gaina.
-
- Hernio, ikusgarria Gazumetik.
-
- Saminotik, Pagotxetako mendilepoa eta atzean, Izaspi.
-
- Abaraxka, airetik ikusita. Lehen planoan Txalintxo eta atzean, Hernio.
-
- Kukuerriko bailara, Abaraxkatik.
-
- Samiño.
Aguraingo ikasleen egonaldia Abaraxka Aterpetxean
2022 honetako apirilaren hasieran Aguraingo bi ikasle talde izan genituen Abaraxkan, 9-10 urtekoak. Talde bakoitzak bina gau pasa zituen Abaraxkan eta aterpetxeko taldeak antolatu eta gidatutako ekimenak izan zituzten gozagarri. Sarrera honen helburua ekimen horiek...
Non gaude? Zer dago inguruan?
Non dago Abaraxka? Askotan esaten dugu Euskal Herriaren Bihotz Berdean dagoela. Bihotzean dago kokapenagatik, historiagatik eta kulturagatik, hizkuntzagatik; eta gure ingurua, normalean begibistakoa den moduan, berdea da, batez ere euria etengabe egiten duen garai...
Gure alderdi “basatia”
Paisaiaz eta faunaz gozatzeko leku ederra da Abaraxka. Zuhaitzei begira jarriz gero, pagoak eta haritzak aipa genitzake, pinu landaketekin batera. Baso mistoetan, urkiak eta gaztainondoak ere aurkituko dituzue han eta hemen, lizarrak edota akaziekin batera, eta...
Hartu arnasa Urola Bailarako baso eta mendietan
Gure ongietorririk beroena eman nahi dizuegu Abaraxka Azkoitia Hostel-era. Gure mendiak eta basoak erakutsi nahi dizkizuegu, guk egunero disfrutatzen duguna zuekin konpartitzeko. Oinez zein bizikletan (Bikefriendly Kalitate Ziurtagiria gara), Azkoitia inguratzen duten...
La Ciclería
Arnao eta Bea, Bea eta Arnao, Abaraxkan! Alegia, La Cicleria eta Las Bielas Salvajes, eta askoz gehiago. Bi lagun zoragarri, konprometituak, jatorrak, eraldatzaileak. La Ciclería duela bizpahiru urte ezagutu genuen, eta konexioa berehala sortu zen Zaragozako La...
Juan Murillo eta Anaitasuna Kanku Karate Taldearen lorpen ikaragarria
Urriaren 16an eta 17an Karateko Estatuko Ligaren bigarren fasea iritsiko da Azkoitira. Lorpen ikaragarria da Azkoitia bezalako herri txiki batentzat, eta Juan Murillori eta Anaitasuna Kanku Eskolari zor diogu. Karateren munduan, gurean Donostiak eta Bilbok bakarrik...
